ميصحش كده ..

ميصحش كده ..

بعد غياب طويل جدا حبيت ارجع تانى D: 

و انا شايف ان الموضوع ده مهم جدا لكل الناس فه قولت لازم اتكلم فيه و بتكلم بطريقه مضحكه كده .. 

و سبب انى اخترت العنوان عشان فعلا بتبقى اوقات كتير بتبقى عايز تقول للى قدامك ميصحش كده ..

و بتخيل قصص مابين اشخاص للضحك و الانشكاح بس و التخيل و فى تهيس كتير و فعلا هتخسر كتير لو مقراتش لحد الاخر .. ميصحش كده ياعم حسااااااااام ..

يلا بينا ندخل فى الموضوع ..

الابداع ممكن يبقى فى اى حاجه مش شرط فى الفن بتغنى .. ممثل .. بترسم .. لعيب كوره .. إلخ ..

 يعنى ممكن تكون بتبدع فى المذاكره بتعرف تذاكر احسن من اى حد و تبدع طرق للمذاكره جديده مش كل الناس تعرفها و اكيد هتلاقى ناس بيحسدوك ازاى انت بتجيب الدراجات النهائيه كلها و مبتنزلش ابدا و لو نزلت تبقى مره بس ..

و الدحاحين فى نوعين و هما 

1- الدحاح الطبيعى (الفشيخ جدا)

و ده هو مولود انه يبقى دحيح فى كل المواد و الناس دول بنقابلهم كتير جدا

يعنى مثلا ..

انا فاكر زمان ايام ابتدائى واحد اسمه "محمد عبد الرازق" ده كان دايما بيقفل المواد كلها و مكنش بينقص خالص فى اى ماده و لما المستر يحاول ينقصه و برضه ميعرفش عشان بيرد على كل الاسأله و مش بيغلط فى سؤال ممكن يلغبط فى الاول لكن فى الاخر يفتكر و يجيب الاجابه صح و انا كنت بحسه الكائن الفشيخ فشخ ..

و انا عمال احسده احسد و احسد اكتر و بقول ايه ده انت مبتتأثرش يا ابن الزينا!!

لحد ما جه مره المستر و سأله سؤال و معرفش يجاوب و انا اتبسط جدا انه مجاوبش و روحت مبسوط اوى مش عارف ايه الغل اللى كان فيا ده !!

و بعدين لما فكرت فى الموضوع عرفت ان كلنا بنغلط كده كده هنغلط و مفيش حد صح على طول و برضك (برضه) محدش غلط على طول ..

2- الدحاح اللى مش طبيعى 

و ده هو مش مولود كده زى اللى فى الاول (الدحيح الطبيعى) :]

ده بيحاول و بيحاول لحد ما يبقى (دحيح الفشخ) بس ده ممكن يقع فى اى لحظه و بيذاكر علطول تيجى تتصل بيه فى اى وقت بتلاقيه صاحى 

و بيقولك: انه بيذاكر

 و انت تقوله: يابنى مايصحش كده صحتك هتروح العمر مش بعزقه يا عم حوساااام (حسام)

يرد يقولك:اقفل اقفل يبنى سبنى اركز دنا ضايع و صايع فى الشوارع و شكلى هعيد السنه 

تقوله:لا يا راجل انت بتقولى كده و بتذاكر من ضهرنا (ظهرنا) و انت بتجيب 50 من 50 و انا 0 من 50 يلا ياعم غور .. 

  

الموضوع التانى 

و هو المغنين و الممثلين الفنانين يعنى 

و انا واحد منهم (بغنى راب) 

دايما الفنان بيبقى واثق من نفسه جدا اهم حاجه الثقه فى النفس اللى هو يعنى انك هتقدر هتقدر .. ان شاء الله و فى دماغه دايما مهما ما هتحاولو تنزلونى و تحبطونى انا مش هقع و عارف انى هوصل و حاجات كتير و ديه الثقه فى النفس

و مش شرط انه يبقى كل اعماله مش السحرمش ساحر هو عشان محدش يفهمنى غلط اعماله اللى هى الحاجات اللى بيعملها مش كلها حلوه جدا اكيد مش ثابت على مستوى معين  و ده مش فشل و زى ما قولت كلنا بنغلط.. 

يعنى مثلا 

انا اول ما ابتديت طريقى فى الراب مش مهم منه سنة كام ان انت قديم او لسه جديد مش دى الفكره ممكن تكون قديم و مش بتعرف تعمل شغل جامد جدا و الجديد يكون بيعمل شغل جامد جدا ..

ابتديت اعمل حاجات كتير جدا لحد ما اكتشفت انى بحب الراب جدا و موهبتى فى الراب 

كنت بحاول امثل كنت فاكر انى ممثل بلاش فضايح منفعتش خالص ..

و بعدها قررت انى العب  "Beat Box" اول ما ابتديت فى كنت بتفتف و قعت اتفرج على فديوهات و كده و بعرف اعمل اصوات كتير جدا و بعمل Beat بس واحد او 2 بس و لقيت نفسى مش بحبه اوى ازاى عرفته من جوايا ان ده مش مكانى ..

و فى نفس وقت البيت بوكس (Beat Box) بس كان فى نهاية الطريق ده قررت ان اكتب كتاب اسمه "اى كلام" كنت بتكلم على مواضيع مهمه برضه بس سميته كده عشان لما حد يقراه و يقولى وحش اقوله ما هو اى كلام ..

و لقيت نفسى مش حاسس الموضوع اوى فه بعد ما كتبت اكتر من 70 صفحه قولت لا ده مش مكانى برضه ..

و اخيرا قررت بقى انى اغنى راب 

ابتديت كنت بسرق كلام من الناس و اهرتل اقول اى هبل فى الجبل كله اى كلام و خلاص و مفيش قافيه ولا الكلام موزون و ماشى مع بعضه انا كنت حاسس انى فى حاجه غلط بس كنت حاسس انى عايز اكمل و انى اقدر ابدع فيه جدا و كان فى ناس بتقولى حلو على الكلام ده و هو ده اللى ساعدنى اكمل تقدير الناس ليا عشان اوصل ..

قعت اشوف فديوهات على ازاى اكتب و كده لحد ما ابتديت اتحسن كل يوم لحد ما وصلت للى انا فى دلوقتى الحمدلله و الشكرلله انا شايف انى كده لسه موصلتش برضه ..

قابلت حاجات صعبه كتير اوى فى طريقى قابلت ناس بتكرهنى و بتحقد عليا و ده لحد دلوقتى و اتسرقت و حاجات كتير جدا و الناس اللى بتحقد عليا و كده و بيقولولى راب ايه و كباب ايه بس ياعم و بتاع ايه و يقفه قدامى و يترقصه 

و يقولى: انا بغنى راب بقول اى كلام هباب 

       اى خراب و باكل حمام و بروح انام و اعمل اى حاجه فيها ام فى الاخر

و بالبس كاب عشان ابقى رابر Yeah 

عارف انه بيحاول يحبطنى و بضحك فى وشه و هو ده ردى عليه و بس كده و افهم زى ما انت تفهم انت بقى انا بضحك عشان فعلا مضحك و مش قادر امسك نفسى بجد اللى هو يعنى ايه يبنى اللى انت بتعمله ده ميصحش كده ميصحش كده ..

فى ناس كتير فاكره انى اول ما دخلت فى الموضوع دخلت هيلا هووب 

انا تعبت كده عشان اعرف ان الراب ده حلمى و زمان لما كنت بيأس كنت بقعد مع نفسى و اعيت كتير جداا و عرفت انى بحب الراب جدا و ببدع فى اوى و من ساعت ما اتسرقت قررت احوش و اجيب مايك و حاجات و اسجل لنفسى ..

 الكتابه بقى 

لقيت نفسى بكتب حلو و بحب اللى انا بكتبه اوى فه قررت برضه انى اعمل مدونه و اكتب و مش كل اللى انا كاتبه حلو و انا عارف انها مش قد كده و زى ما قولت محدش ثابت على نمط او شكل معين ..

اللى انا عايز اقوله ان كلنا بنغلط و محدش ثابت على شكل معين ومفيش حد فينا الانسان المثالى .. و اللى بيتعب اكيد اكيد ربنا هيكرمه و هيوصل ربنا مش بيضيع تعب حد و عشان توصل لحلمك لازم تقوم و تعافر و تثق فى نفسك و متقولش انى مش هقدر لو فعلا بتحب الموضوع جدا و حاسه بجد من قلبك تبقى هى دى الموهبه و متخليش حد يحبطك قوله ميصحش كده يا عم حوساااااام بصوت طفل صغير ..

و الموهبه فى كل حاجه زى ما كنت بقول ممكن فى الطبخ فى سواقة العراااااابوووويا

فيما معناه (العربيه)

الموهبه فى كل حاجه مش فى الفن بس ..

 صدق نفسك و ثق فى نفسك جدا و قول لى اى حد بقف قدامك ميصحش كده

و خليك هادى جدا و متتعصبش و هو هيضايق لما يلاقيك هادى و بتضحك فى وشه

بمعنى اصح خليك بارد تموت بصحه جيدا D:

كل اللى عليك تغبض عنيك و تقول يارب بس فعلا من قلبك .. 

و ان شاء الله ربنا معاك و اتعب و عافر و اقع و قوم و اقع تانى و قوم تانى برضه  

المهم ان انت هتوصل هتوصل للى عايزه ان شاء الله ..
و عشان تبدع بجد لازم تكون بتحب اللى انت بتعمله حب اللى انت بتعمله هتبدع فيه  
و اعرف ان لو ملكش حد بيحقد عليك يبقى انت فاشل

اوعى تيأس و تقول انى مش هقدر او انى مقدرش انى اكون اللى انا عايزه ..