روح هناك و متجيش ..!

جربت تسرح فى السما تفكر كتير جربت تروح هناك و تلاقى نفسك ! 
 و لو مجتش من هناك  يبقى احسن بص فوق ..


اساعه 5:00  
21/6/2016 
16 رمضان يوم التلات 


المهم السما زرقاء و عصافير كتير فى السما و قطتى واقفين على الشباك تبص و تبص تحس بأن لسه فى حاجات حلوه كتير بس انت اللى مش عارف تستمتع بيها و الايام كلها حلوه متفرقش انهرده الثلاثاء ولا يوم ما اخوك انتحر او امك عملت كوسه
مفيش الكلام الفارغ ده ..


تسرح للسما تلاقى البحر قدامك و العصافير فى السما كتير و منطاد طاير فى السما و قوس قزح وسط الهبل بتاع الناس ده لسه فى حاجات حلوه كتير يلا قوم و استغل انك لسه عايش و اعمل كل اللى نفسك فيه و متستناش حد مش هتعيش غيره مره واحده بس مش هنعيش مرتين اعمل كل اللى فى نفسك ..


نط من على جبل نط من طياره اركب عجل عيش مجنون الدنيا حلوه اعمل اللى نفسك تعمله و طظ فى اى حد المهم نفسك وبس سيبك من كل الناس سيبك من اى حاجه افرح خلى اللى بتحبوهم جمبكوا مش شرط يكون بنى ادم ممكن يكون هيدفون او تراك بتحبه او كتاب مثلا ..


ارغى مع نفسك و ادخل فى حوارات هتستفاد كتير هتستفاد حاجات مش هتفهمها  الا من نفسك مش هتفهم من حد تانى انت انت و بس غير كده يبقى تروح تنتحر احسن عشان تعبنا من الناس دى بجد و كفايه منكوا ..


ساكت دايما مبتكلمش بسمع كتير و مبتكلمش دايما قاعد فى الظلام لوحدى  و يوم ما هاتكلم هقولك اللى نفسى اقوله فى وشك حلو وحش انا صريح جدا و مش محتاج حد جمبى غير اللى بحبهم بعمل اللى فى دماغى و بس و ناس كتير واقفين ضدى بس محدش غيرى هيكمل عشان هيتعبوا  ناس كتير بتكهرنى و بسألهم فى ايه عايز افهم و كده بيتقالى "انت شمام و مش تمام"   كان ردى "شكرا ربنا يخليك" و ميعديش من قدامى تانى و لو عدى تانى تبقى دى نهايته و مش بفكر فى الناس دى و كل الهبل ده بس اللى جى عليا تانى مره يروح ينتحر احسنله بسكت كتير عشان عارف انى لو حطيته فى دماغى  تبقى دى نهايته و كله فاكرنى مش قادر عليه و خايف شوف اللى قبلك كتير و انتهى و فى يوم و جى دورك..


قولى كمان و كمان ده مش راب ده كباب و انت اصلا بتظيط و شكلك عيل خامورجى و بتاع بنات و اى بنت توديك  و تجيبك و الشغل ده و فى اكتر من كده بيتقال بس ده جزىء من اللى بيتقال عليا.. 

مش معنى ان اكتر صحابى بنات يبقى انا خلاص معنديش شخصيه و اى حد يتحكم فيا ابعد عنى انا مش بوضح اى حاجه لحد بس هيجى اليوم و هتعرفنى صح ..

و مفيش حد من حقه يقولى انت و انت و انت شوف نفسك يا حبيبى شوف انت بتعمل ايه بس فه ياريت تخليك فى حالك ..


خليك اتريق زى ما انت عايز انا سايبك تاخد راحتك و تيجى على ايدى نهايتك..

فى احساس كده مع ناس بتشوفهم و بتبقى عايز تخدهم معاك البيت و ميروحوش منك ابدا و دول اكتر ناس الكلام مبيقفش معاهم كل ما نتكلم بنبقى عايزين نتكلم اكتر  و عارفين بعض كويس اوى ..

لما بحط اى حاجه فى دماغى مش بسبها الا لما بوصلها و اكون راضى عن نفسى  فيها..

بسمع اغانى كتير و دايما بتبقى عاليا على الاخر بقرا كتير و بكتب كتير و  حياتى كلها فى الظلام شعرى طويل ..

                                 ده كان جزئ منى