اورسالم

دلوقتى هتكلم عن موضوع منرفزنى جدا جدا و كنت عايز اتكلم فيه من زمان و موضوع مهم جدا و بينرفزنى بغباء اصلا ..

المهم ندخل فى الموضوع ...

كلنا اكيد شوفنا الموضوع بتاع تغريد اللى هى جارها ضاربها و فتحلها دماغها و كل ده عشان هى بتمثل و بتعمل اللى بتحبه و نفسها تعمله و بترجع متأخر من الشغل و انها جابت عجله تخلص بيها المشاوير وهى ام اصلا 

و اصلا و هو ازاى اصلا يمد ايده على بنت و الناس اللى فى الشارع بيتفرجه عادى و ساكتين طبعا كلنا عارفين دول بيتقال عليهم ايه كويس اوى اوى ..
 المهم طب و بعدين نعمل ايه هى مش غلطانه اصلا انتو اللى مرضى و الناس شايفينه الله ده انت راجل و بتاع ولا راجل ولا نيله ده اسمه ...

و دى مش رجوله اصلا انك تمد ايدك على بنت عشان انت متخلف اصلا و تهين فيها بالشكل ده ومش رجوله خالص انك تتحرش بيها و تغتصبها و تهين فيها كده و كل ده هيتردلك يعنى هيتردلك ..

عارفين بتعملو كده ليه علشان انتو خايفين ايوا خايفين من اى انثى اصلا لتكون حاجه و تطلع للنور دايما بتحاولوا تخبوها علشان انتوا عارفين كويس اوى اوى انها اقوى مننا بكتير  انت عارف بتعمل كده ليه عشان مرعوب ايواا مرعوب  منها عشان انت عارف انها هتقدر و تقدر اوى كمان دايما بتحاول تخبيها و اكبر دليل على كده ان الدين كرم الانثى و كده لكن شيوخ الدين نزلوهم الارض ولا ليهم قيمه اصلا و لكن انت من غيرها متسواش حاجه اصلا بترتب كل حاجه و تشتغل و تطبخ و تربى و بتهتم بالبيت و حاجات كتير و بتعمل كل ده فى وقت واحد و مقالتش لا تعبت هسيب الشغل مثلا انت بقى تقدر تعمل كل ده بقى لا و مصممه على كده و انها تكون حاجه ..

تخيل الكون منغير بنات هيبقى عامل ازاى ...

الرجوله انك تحترم اى بنت و تقدرها و تديها حقها و تكون سند ليها اى بنت بقى كانت قريبتك اختك او حتى واحده فى الشارع و ده المفروض المفروض يعنى بس نقول ايه بقى ..

الرجوله مكانتش ابدا فى انك تمد ايدك على بنت او انك تمحى شخصيتها و تتحكم فيها و هى تبقى غبيه لو سكتت عن حقها و راضيه بكده ..

انتى بتقومى بدور راجل و ست فى نفس اللحظه 

هاااا بقى ياعم الراجل انت فولتلى بقى بتعمل ايه بقى ؟؟؟؟؟

تمام جدا هتقولى ماهى لو محترمه مكانتش تلبس كده طب ماشى لبسها ملوش اى علاقه على فكره بالاحترام اصلا انت المفروض تكون محترم و تغض البصر او تكون عفيف النظر يعنى ...

جابت عجله وماله يابابا و تضربها عشان جابت عجله انت مش من  حقك اصلا انك تمد ايدك على بنت و هى مش غلطانه مش غلطانه اصلا انتوا اللى مرضى ....

انا عندى نظريه اسمها " النظره البريئه"

انا ببص على البنات عادى برضه بس انا ببص ازاى ببص ان دى شكلها امور جميله و لطيفه فى التعامل و كده و بس على كده تمام و انا فعلا فعلا نيتى صافيه جدا فوق مما انت تتخيل الحمدلله  طبعا و عمرى ما بصيت لبنت بصه مش تمام عمرها ما حصلت ولا هتحصل ان شاء الله ...

الحل اننا ننزل كلنا نعمل واقفه احتجاجيه خايفين ننزل طب ليه قولى الدوله اللعينه دى اديتك ايه غير الخازوق الفاخر  اديتك ايه عشان تسكت انزل و اطلب بحقك حتى لو هتموت ده حقك و ساعتها بس اكيد اكيد هناخد حقنا لو مصممين اننا ناخده ..

انت عارف امتى هنتقدم و المشاكل كلها تتحل لما  يبقى كل واحد عنده نخوه و ضمير بجد و بالعلم تتقدم الشعوب ..

عفة البنت و اخلاقها ملهوش اى علاقه باللبس انما ليهم علاقه بالعقل و الفكر اللى تحت اللبس فأنما ممكن اللبس نقاب و تبقى اخلاقى كلها قذاره و شهوانيه ...

الراجل الشرقى مش عايز انسانه عايز حيوانه يمشيها زى ما هو عايز عايز يركبها و يمشى بيها زى ما هو عايز شمال ماشى فى اى حته ماشى عايز جماد متتكلمش هو عايز حيوانه و لا بتتكلم ولا بتتناقش و لا بتطلب حقها

عايز يركبها و يمشى بيها .....

عايزين  تفضلوا حمير و مرضى خليكو او لو عايزين ترتقوا ده قرارك انت..  

لو كل واحد عنده نخوه و ضمير و يكون عندنا علم بجد هنوصل هنوصل ل اورسالم ...