بوقك بينقط عسل

المقدمه 

هنا قررت انى اتكلم عن بعض المشاكل اللى بنمر بيها و بعض المشاكل تواجه الشباب اخرين يمكن نقدر نحلها سوا لو فهمنا بعض و استوعبنا كلامنا و اتمنى ذلك.

على سبيل المثال سوء الفهم بيسبب كارثه

واحد بيقول حاجه لشخص اخر الشخص ده يفهم غلط خالص مش قاصد هو اللى فهم غلط 

هنا تكبر تبقى مشكله نمسك فى بعض و نتخانق بقى 

و فى الحقيقه الموضوع كان ابسط من كده بكتير لو سمع و اتكلم بهدوء كان هيبقى مافيش مشكله خالص 

مشكلة العصر الناس مش فاهمه بعضها.

مش بفهم الناس 

مختلف عنهم مش قادر افهم و استوعب انتو بتفكرو كده ازاى 

ازاى انت ولد و بتضحك بصوت عالى 

انت مش راجل ؟!!

انا فى الحقيقه مش فاهم ايه علاقة ده بالرجوله!

ده مش ذنبى حضرتك ان صوت ضحكى عالى انا بضيف المرح ليكو يا اعداء الفرحه 

و هى الرجوله دلوقتى بصوت الضحك دى من الحاجات اللى بتعصبنى جدا 

انا مش هقعد انقى و اختار صوت ضحكى يعنى 

دى حاجه خارجه عن إرادتنا.

على سبيل المثال 

فى مره من المرات كنت راكب مواصلات انا فى ودانى السمعات و بتكلم فى الموبايل عمال اتكلم و برغى و عمال اضحك لقيت اللى جمبى بيقولى خف شويه علشان الناس 

ردى اخف ازاى يعنى مش فاهم 

السواق انت صوتك عالى و المفروض انك راجل 

 هراء هراء ...

رديت حضرتك انا بضحك بصوت عالى واطى او عامله صامت او حتى هزاز دى حاجه ترجعلى انا 

انا مش بضرك او بضر الناس فنا حر طول مش بأذى حد عم الصمت فى المكان و محدش اتكلم معايا تانى  

بنت اسمها محمد !

من الحاجات اللى بتتعبنى فعلا و بفكر كتير 

انى مش بفهم ليه غلط تقول اسم بنت معاك فى الشارع امال تندهلها يا محمد يعنى 

مش قادر استوعب ايه الفكره فى كده 

دى بنت و ليها شخصيه و ليها اسم 

ليه انا امحى شخصيتها اصلا واقولها انتى بنت انتى عيب تعملى كذا و كذا 

فى ستات كانت بتقود جيوش و معارك.

من الحاجات اللى بتواجهنى بقى مع الشباب 

ان فعلا اكترهم عديم التربيه تقريبا 

الأهالى بتخلف و ترمى فى الشارع هو احنا لسه هنربى كمان 

الأغلبيه تعبانين او بمعنى اصح (هيجان _ حيحان)

المفروض انك انسان بتتحكم فى نفسك اصل انت مش حيوان بس للأسف بقى 

اكون ماشى مع واحد يقولى بص على البنت دى طب بص على كذا و كذا طب شوف كذا 

الأسلوب القذر ده بيعصبنى و بيضايقنى جدا فعلا 

بقطع علاقتى مع اى حد فى وقتها اصلا بسبب ده.

انا عن نفسى مش بفهم انت ايه اللى شايفه اما تقولى بص على كذا طب شوف كذا 

بشوف الموضوع اللى هو طب ما عادى يعنى مافيش حاجه اصلا ايوه يعنى انت هيجان ليه ما هى بنت عاديه اهى انت اللى مالك بقى فى ايه  مش بفهم بجد مالكو بتريلو ليه بقى عمتا ربنا يشفى كل مريض

انا مش هقول حرام و اختك و الجو اللى قدم ده

بس ده ماينفعش اصلا انه يحصل علشان المفروض ان دى الرجوله بقى اللى انتو عمالين بتقوله عليها يعنى 

انك تحترم البنت و تحافظ عليها حتى لو واحده فى الشارع ماتعرفهاش اصلا على الأقل تحس انها فى امان و تطمن و هتحترمك علشان شايفه راجل 

لكن لو فاكر او متخيل انك لما تتحرش بيها انت هتعجبها احب اقولك لأ خالص هى بتشوفك مريض و محتاج تتعالج و هتظبطك يا حلو هتستحقرك جدا علشان دى قذاره 

اكتر الناس فاهمين ان الرجوله صوت عالى اهانه و شتيم و قذاره و قلة ادب و تضرب اى واحده و تتحكم فيها و تهين كرامتها انت كده واااو انت ازاى راجل كده 

المصيبه ان بنات كتير فاهمه كده و عايزه ده .

فى الحقيقه ان كل ده عبث لا فائده منه 

الرجوله النخوه و الأخلاق 

ولا اقولك احسن من كل ده هاجيبلك بنت تقولك يعنى ايه .

الرجل الشهم 

ان المراه الذاكيه هى التى تبحث عن رجل شهم يؤمن بأن العلاقه بينهما ليست مجرد رغبه بالحصول عليها و انها ليس اداة للجنس فقط ولديها مشاعر ايضا و انما العلاقه مبنيه على التبادل دون الأنتظار المقابل ترحب دائما بالرجل الشهم الخدوم دون انتظار اى مقابل .

الرجل المخلص 

ان قضية الأخلاص فى نظرى هى قضيه مصيريه و محور اساسى لا تستمر العلاقه بدونها. 

الأنيق 

المراه مخلوق يهتم بالمظهر و تحب الرجل الذى يهتم بمظهره و يبدى اناقته و ذوقه الرفيع فعليه ان يعلم ان المراه ليست مثله فالرجل يحب بعقله بينما تحب المراه بقلبها و عينيها و اذنيها و انا اعتبر ان المظهر يعبر عن الشخصيه.

المتسامح 

المراه تكره الرجل الذى يحاسبها على اخطائها الماضيه والايكف عن التحدث عن مساوئها ان وجدت

و كأن ماضيه هو لا يعنى احدا و ان لا حق لأحد فى محاسبته عن ذلك.

الرجل الصادق و الواضح

الغموض و التصنع صفات تمقتها المراه و تتجنب صاحبها فالمراه تحب الرجل البسيط الواضح دون اى تكلفه او تمثيل يشعرها انه كتاب مفتوح لا يخفى عنها شيئا فتشعر معه بالأمان و الأستقرار فهو يغنيها عناء الأستكشاف و البحث خلفه لتطمئن دون ان تفسر و تحسب كل نفس من انفاسه 

فالمراه تكره الغموض و تمل البحث 

انا كبنت feminist .

اكتر الشباب دلوقتى فى الضياع

محدش بيعمل حاجه مفيده فى حياته بيشرب مخدرات او قاعد على القهوه و هكذا كله عبث و تضيع وقت طب عملت ايه فى حياتك ولا حاجه

تتكلم معاه يقولك اصل الدنيا و جت عليا و الكلام ده والله كلنا تعبانين يعنى مش انت لوحدك و يرمى كل حاجه على الظروف بس انت اللى عملت فى نفسك كده انت اللى ضيعت نفسك بنفسك يعنى فى مخدرات 

و يستغرب ازاى انت مش فاسد كده 

قرب من ربنا و اتعب فى حياتك صدقنى اللى بيتعب فعلا بيلاقى وربنا بيكرمه بزياده كمان و ربنا كريم .

بصراحه انا كان نفسى اكون بنت مش بحب التعامل مع الولاد اصلا مش متربين اصلا كل تعاملاتى مع بنات كل صحابى بنات تقريبا مش برتاح فى التعامل مع الولاد فعلا مافيش تربيه خالص  شايف ان البنات متربين عنهم بكتير جدا 

 كانت هتبقى فرصتى فى النجاح هتغير كتير هى اه هتكون اصعب بس هقف كتير قدام ظروف مجتمع متخلف من اهل من ناس فى الشغل من كل ده و فى الأخر اما انجح فى مجتمع زى ده و يشوف بنت ناجحه جدا و قد ايه ان فى واحده تعبت و اشتغلت و فعلا وصلت لحاجه كبيره كده افتكر ان معظم الناس (الرجاله) المفروض يعنى تحس و تعمل اى حاجه عدله فى حياتهم.

من الحاجات اللى بزعل  منها جدا

اكون قاعد وسط بنات و يتكلمه كل الرجاله اوساخ كلهم خاينين

شوفتى البت مى اطلقت امبارح شوفتى بقى و بسنت فركشت مع خطيبها 

ايه ده ليه؟!

اصله وسخ زى كل الرجاله 

فبزعل و اضايق جدا جدا علشان فعلا انا مش كده خالص المفروض تراعى وجودى  انى موجود وسطكو 

يعنى 

اوعدك بحب عمرك ما شوفتيه ولا هتشوفيه فى حياتك اصلا عارف انى امور و مافيش واحده تقدر تقاوم وسامتى اصلا و حلاوة لسانى 

كان بيتقالى انت امور جدا لكن مختلف مافيش حد شبهك 

اتقالى من بنات كتير يابخت اللى هتكون معاك يابخت اللى هتتجوزك دى محظوظه جدا 

هى فعلا محظوظه جدا جدا !

بس مافيش حد يستاهل الحب غير نفسى فعلا كل الحب لنفسى 

علشان مش لاقى حد يستاهل الحب ده غير نفسى و بس.

من المشاكل بقى ان معنى الحب انك تضربنى و تشتمنى و تهين كرامتى و كرامت اللى جابونى كمان فى الحقيقه انتو مرضى ده غباء و عدم احترام 

مثلا انا تجاربى فى جو الحب ده من زمان

تقولى انت بتحترمنى زياده عن اللزوم ليه كده انت مش بتسألنى رايحه فين و جايه منين ليه 

انا مش هفتح معاكى تحقيق يعنى!

طب ليه مش بتضربنى و تشتمنى و هكذا ليه مش بتعمل زى الرجاله يعنى علشان انا مش زى اللى انتى عرفتيهم بس الراجل اللى يشتمنى و يضربنى و يقولى على كل حاجه بعملها ليه و ازاى و يتحكم فيا و هكذا فى الحقيقه دى امراض و عقد 

مفهموم الرجوله عندكم تهين كرامتى و كرامت اللى جابو اهلى تشتمنى و تزعق تعلى صوتك و تقل ادبك براحتك معملتش كده و سبتنتى حره  فى حياتى احقق احلامى و طموحى و اعمل كل اللى انا عايزاه يبقى انت مش راجل اصلا فى الحقيقه دى قلة كرامه هى غلطت مجتمعنا المتخلف ده من اول ما البنت تيجى الدنيا عيب لا بلاش انتى بنت انتى اقل من الراجل

اقل من الراجل ازاى مش فاهم عندها اعاقه او تخلف مثلا مش فاهمكم بجد احنا فى الأول و الأخر بنائدمين و عايشين فى نفس ذات الكوكب الجميل ده ف نحترم نفسنا بقى ياريت 

لو ولد بقى يتربى على اى انثى فى حياتك لازم تهين كرامتها انت راجل هى اقل منك ماتفهمش انت ايه حكاية اقل منك دى تضربها و تزعق و تقل ادبك كمان و الله على اخلاقك بقى  يا فخر العرب.

تعبت نفسيا من كل ده عبث بشوفه 

دلوقتى لو اتنين بالتخلف ده اتجوزو هى هتعانى ده بيضربنى كل يوم بيمسى و يصبح عليا بضرب 

العيال هتعانى معاكو برضه من ضرب و اهانه زى امهم اللى جابتلهم المصيبه دى يطلقو لو عرفت  و تجيب عيال معقدين نفسيا يطلع الطفل مجرم و مرمى فى السجون بذنب مش ذنبه كل الناس هتعانى معاكو طب ليه التعب كل ده و المعاناه دى من الأول اتمنى اننا نعقل و يبقى مافيش مشكله خالص 

تشوف الجيل الجديد طالع بيقلد الثقافه الغربيه فى الحقيقه مش ذنبهم ذنب مجتمعنا الجميل ده علشان من كتر القفله و الخنقه تخلينا كدهنتخلى عن ثقافتنا علشان مش لاقى الأحتواء فى بلدى من ناسى و اهلى مش شايف حريات مش شايف امل هنا فى بلدنا مافيش عدل و مساواه طبعا احنا بلد ديموقراطيه و بتقبل راى الأخر طبعا و كلنا عارفين ده كويس اوى.

و فى الأخر لما الشباب تهج بره البلد تقول عليهم خونا يعنى انتو مش شايفين اننا من الدول المتخلفه (الناميه) زى ما انتو بتقولو 

طبعا من غلاء الأسعار من سوء تعليم سوء صحه

شوفت بعينى الناس مترميه فى المستشفيات و بتموت و عادى جدايعنى !

لو معاك فلوس تروح مستشفى خاصه غير كده تموت بقى 

ماعنديش اى مانع خالص  فى غلاء الأسعار بس تدينى خدمه و جوده فعلا كويسه لا بأس بها بمقابل التمن اللى انا دافعه 

تقولى طب ما بره بيدفعه ضرايب 

طب ما ناخد مرتبات زيهم بره ولا هى حلوه ليكو و وحشه لينا يعنى عمتا انا ههج بره بلدكو الجميله دى و اشبعو بيها انتو بقى 

اشبع بيها.

فى الأخر تجيبو علينا اللوم و تقولو عديم الأنتماء و الكلام الغريب ده انا ماشوفتش من بلدى حاجه غير الأهانه و الذل و قلة الكرامه جهل و فقر 

اشبع بيها انت بقى 

انا سايبها كلها ليك 

مصر عظيمه و جميله جدا بس فى ناس معينه هما اللى مايستهلوش العيش فيها اصلا 

مصر فعلا عظيمه جدا بس من غيركو

اتمنى انى اشوف مصر فى احسن حال دايما.